खैराबाङ मन्दिर दर्शन गर्न गएको जिप दुर्घटना हुँदा दुई जनाको मृत्यु

सल्यान । खैराबाङ मन्दिर दर्शन गर्न यात्रु लिएर गएको जिप दुर्घटना हुँदा दुई जनको मृत्यु भएको छ ।

१७ जना घाइते भएक छन् । सल्यानको कुमाख गा.पा.७ जिमाली डुमकोटबाट शारदा न.पा.११ मा पर्ने खैराबाङ मन्दिरमा दर्शन गर्न जाँदै गरेको रा १ ज ७९८ नं. को जिप उकालोमा दुर्घटना भएको हो।

ब्याक गर्ने क्रममा सडकबाट १०० मिटर तल जिप खसेको हो । दुर्घटनामा कुमाख ७ डुमकोट बस्ने ३९ वर्षीय मान ब.पुन र सोही ठाउँ निवासी १४ वर्षीया एनका पुनको घटनास्थलमै मृत्यु भएको सल्यान प्रहरीले जनाएको छ ।

अन्य १७ जना घाइते भएका जिल्ला प्रहरी कार्यालय सल्यानले जनाएको छ। घाइतेको जिल्ला अस्पताल सल्यानमा उपचार भैरहेको छ ।