- १ भाद्र २०८३, सोमबार / Aug 17, 2026
काठमाण्डौ । क्यानडामा सरकारले जोखिमपूर्ण अवस्था रहेको भन्दै सर्वसाधारणहरूलाई खोजी तथा उद्धार कार्यमा समावेश हुन अपिल गरेको छ । क्यानडामा बितेको ५० वर्ष यताकै ठूलो वर्षा भएपछि सरकारले उक्त अपिल गरेको हो ।
झण्डै ८० हजार मानिस विद्युत् सेवाबाट वञ्चित भएका छन् ।
यस वर्ष भारी वर्षा, औसत तापक्रम, समुद्रको तापमान लगायतका मौसमजन्य गतिविधिहरुमा एकैपटक नयाँ किर्तिमानीहरु बन्न थालेका छन् । जो विश्वकै लागि चुनौतीको विषय भएको वैज्ञानिकहरुले बताएका छन् । केही क्षेत्रमा सामान्यतया तीन महिनाको अवधिमा पर्ने पानी २४ घण्टा भित्रै परेको क्यानडाको मौसम विभागले जनाएको छ ।
नोभा स्कोटिया क्षेत्रमा भएको भारी वर्षापछि दुई बालबालिकासहित चारजना बेपत्ता भएको सञ्चारमाध्येमहरुले जनाएका छन् ।
