- २८ भाद्र २०८३, आईतवार / Sep 13, 2026
काठमाडौं । संगीत क्षेत्रमा साढे चार दशकदेखि सक्रिय लोकगायिका चन्द्रकला शाह सम्मानित भएकी छन् । ५१ हजार रुपैंयाँ राशीसहित ‘कन्हैया सिंह राष्ट्रिय संगीतकर्मी पुरस्कार–२०७८’बाट शाह पुरस्कृत भएकी हुन ।
मंगलबार राजधानीमा एक कार्यक्रमका बीच प्रज्ञा प्रतिष्ठानका पूर्व उपकुलपति शम्भुजीत बासकोटालगायतले पुरस्कृत गरे । अमेरिकामा बस्दै आएका संगीतकार तथा गायक कन्हैयासिंह परियारले आफ्नो ५० औं जन्मदिनको अवसर पारेर ‘कन्हैया सिंह राष्ट्रिय संगीतकर्मी पुरस्कार–२०७८’ स्थापना गरेका थिए ।
आफु काठमाडौं आएको बेला गायिका शाहलाई पुरस्कृत गरिएको हो । नेपाली लोकसंगीत सिर्जना र भाका संकलनमा चन्द्रकलाको महत्वपूर्ण योगदान रहेको संगीतकार बासकोटाले बताए ।
गायिका शाहले पुरस्कारको रकमबाट धेरै समयदेखि रोकिएको आफ्ना गीतहरुको पुस्तक प्रकाशन गर्ने बताइन् । गायक कन्हैया सिंहले चन्द्रकलाकै गीत सुनेर आफ्नो बाल्यकाल बितेको स्मरण गरे।
