- २७ असार २०८३, शनिबार / Jul 11, 2026
गृहमन्त्री रामबहादुर थापा ‘बादल’ ओली पक्षमा लागेपछि मन्त्री थापाका राजनीतिक सल्लाहकारका रुपमा रहेर काम गरेका नेकपाका केन्द्रीय सदस्य सूर्य सुवेदी ‘पथिक’ बादललाई छोडेर प्रचण्ड–माधवकुमार नेपाल पक्षमा लागे । अहिले नेकपाभित्रको विभाजन र नेतृत्वको असंवैधानिक कदमका विषयमा कैलाश खबरले सुवेदीसंग कुराकानी गरेको छः
यहाँलाई कैलाश खबरमा स्वागत छ ।
धन्यवाद ।
अहिलेको राजनैतिक तरलतालाई कसरी लिनुभएको छ ?
पार्टी फुटको डिलमा आएको छ । बादल–ओली पक्षको कदमले देश अगाडि जाँदैन । राजनैतिक परिघटनाको फेस गर्नुको साटो प्रधानमन्त्री केपी शर्मा ओलीले संसद विघटन गर्ने असंवैधानिक कदम चाल्नु भयो । यो कदमका विरुद्ध सबै एक भएर लड्नु पर्ने भएकाले म यता नै छु । देशमा प्रतिक्रान्तिको सुरुवात भयो भन्ने मलाई लागेको छ । देशी विदेशी तत्वको इसारामा ओली चलेकाले देश कठिन मोडमा गएको छ । दुखद परिघटना भइरहेका छन् ।
देशलाई सामन्तको घेराबाट बचाउनु पर्छ भनेर जनयुद्ध गरेका तपाईहरु अहिले यो अवस्थामा आउनुले उदेश्यसंग त मेल खाएन नि ?
त्यहि नभएर त हामी यो अवस्थामा आयौं । जनताका एजेण्डामा प्रवेश नगरि बहमै थियौं । त्यहि एजेण्डा र बहसबाट त साथीहरु भाग्नु भयो र यो असंवैधानिक कदम चाल्नु भयो । जनवादी कार्यदिशा र समाजवादी बाटोमा लागौं भन्दा उहाँहरु भाग्नु भयो र ट्रयाकबाट हट्नु भयो ।
तर केहि कम्युनिष्ट पार्टीले समेत प्रधानमन्त्रीको कदम ठिक छ भनिराखेका छन् नि ?
मलाई जानकारी भएन । तर यो असंवैधानिक कदमको सबैठाउँबाट विरोध भइरहेको छ । प्रधानमन्त्रीको यो कदमको कसैले पनि स्वीकार्यका छैनन् । तर केही कम्युनिष्ट पार्टीको भने संसदीय धारबाट जनताको मुक्ति हुदैन भन्ने विमति त छ नै । केही अन्तर त छन् । तर यो कदमको स्वागत गरेको भन्ने केरा मलाई थाहा छैन ।
यो कदम सर्वोच्च अदालतले फैसला गर्न बाकी छ, सदर य¥यो भने कस्तो अवस्था आउला ? अर्को बदर गरेर गयो भने स्थिति के हुन्छ ?
म राजनीतिशास्त्रको विद्यार्थी भएको नाताले पनि दुइ कोणबाट हेर्नु पर्छ । संविधानवीद म नभएकाले यो प्रक्रियाबारे संविधानविदले हेर्लान् । तर समाजवादी बाटो बाट जान थाले भन्ने लागेर प्रतिक्रियावादीहरुले सेवोटेज गर्ने गरी कदम चालेकाले जनताले बुझ्न जरुरी छ । अदालतले सही फैसला गर्छ भन्ने नै मलाई लागेको छ ।
तपाईले समाजवादको कुरा गरिरहदा व्यवहारत मेल खादैन, उल्टै नेकपाको गतिविधिले नेपालको कम्युनिष्ट आन्दोलन समेत पछि धेलिएको जस्तो लाग्दै न र ?
एक अर्कालाई जनताले राम्ररी चिनेका छन् । एकता अबुझ भएर भएको होईन, हामी पुजीवादी क्रान्ति सम्पन्न भयो अब समाजवादी क्रान्ति तर्फ जाउँ भन्दा त यो अवस्थामा आयौं । देश अग्रगमन तिर जाने कि यथास्थितिमा राख्ने भन्ने पेचिलो लडाई भएकाले केपी ओली प्रारम्भिक अवस्थामै भाग्नु भयो यहि निर त धोका भयो । बैठकबाट हल निकाल्ने भनेर लागिरहेका बेला उहाँहरु भाग्नु भयो ।
तपाईँ त बादल निकट रहेर लामो समय काम गर्नु भयो किन यता लाग्नु भयो ? खास कारण के हो ?
यहि फरक भएर त हामी अलग भयौं । तथ्यको जनताले फैसला गर्ने छन् । अलग पार्टीको नेताको बारेमा अब मैले धेरै बोल्नु उचित छैन ।
ओली पक्षले प्रचण्डले धोका दिए भन्ने यता तपाईहरु ओलीले धोका दिए भनेर आरोप लगाउनु हुन्छ, खासमा के हो ?
कसले कसलाई धोका दियो ? भनेर हुनेवाला छैन । यसको फैसला जनताले गर्नेछन् । को सही को गलत हो । यही भ्याकुमका विरुद्धमा त प्रतिक्रियावादीले खेल्ने मौका पाए । हामी संघर्षमा छौं । ओली पक्ष गलत बाटोमा गयो भन्ने हाम्रो दावी हो ।
अहिलेको यो लडाईले निराषा मात्रै होइन, नेपालको कम्युनिष्ट आन्दोलन नै धरापमा पा¥यो , तर वास्तविक कम्युनिष्ट हौं कि होइनौं भन्ने कुरा पनि प्रमाणित भयाे नि है ?
तपाईले उठाएको प्रश्न गम्भिर छ । यसलाई गहन ढंगले सोच्नु र छलफल गर्नु पर्छ । प्रतिक्रियावादीहरुले एक एक गरी जनताका एजेण्डा असफल पारिरहेका छन् । हामी कम्युनिष्ट हौं कि होइनौं भन्ने कुरा विचारधारा र व्यवहारले देखाउने हो । हामीले नेपालको मौलिकतामा पूजिवादी क्रान्ति सम्पन्न गरेका छौं । तर समाजवादी लडाईका निम्ति अठाडि बढौं भन्दा त यो अवस्थामा आईयो । जालिफटाहा सामन्तका विरुद्धमा पार्टीले कदम चालेको छ कि छैन भन्ने कुरा महत्वपूर्ण हो ।
यी क्रियाकलापले त विश्वास गर्ने आधार त देखिदैन नि ?
त्यहि छलफलमा बसेकै बेला त यो परिघटनामा आयौं । बाह्य कुरा भन्दा पनि आन्तरिक कुराले बढी प्रभाव पार्ने रहेछ ।नेताले गलत निर्णय लिँदा क्रान्तिकारी तप्कामा, जनतामा स्वतः निरासा आउँछनै । तर, यस्ता परिघटना यो नै पहिलो होइन र सायद तत्कालै यो अन्त्य पनि हुँदैन । जनतालाई विश्वस्त पार्ने कुरा धेरै छन् । जनताले सहि र गलत छुट्याउने छन् । दलालहरुले प्रतिक्रान्ति तर्फ धकेल्न लागेका छन् यसलाई सबैले चिन्न जरुरी छ ।
भिडियो हेर्न यहाँ क्लिक गर्नुहोस्…
समय र विचारका लागि यहाँलाई धन्यवाद ।
मेरो विचारलाई समेटेर जनतामाझ लिने अवसर दिनु भयो त्यसका लागि कैलाश खबर परिवारलाई विशेष धन्यवाद ।
