गोली हानी १८ वर्षिया युवतीको हत्या

काठमाडौं । रौतहटमा गोली प्रहारबाट एक युवतीको हत्या भएको छ। गए राति ११ बजेतिर गोली प्रहारबाट १८ वर्षिया अमृता कुमारीको हत्या भएको हो । अमृताको कन्चटमा एउटा गोली लागेको रौतहटका प्रहरी उपरीक्षक सिद्धिविक्रम साहले जानकारी दिए ।

गोली प्रहार गर्ने समूह पत्ता नलागेपनि खोजी भइरहेको उनको भनाई छ । अमृताको विवाह गत वर्ष फागुनमा सर्लाही मधुवनगोठका रूपेश साहसँग भएको थियो। गत असारमा अमृताले श्रीमानसँग सम्वन्ध विच्छेद गरेकी थिइन्।