ग्यास विस्फोटमा १० जनाको मृत्यु, ५ घाइते

जोहानेसबर्ग । दक्षिण अफ्रिकाको ठूलो शहर जोहानेसबर्गको बोक्सबर्गमा ग्यास विस्फोटमा परी १० जनाको घटनास्थलमै मृत्यु भएको छ ।

अन्य ५० जना घाइते भएका छन् । बोक्सबर्गको पुलमुनि एउटा ग्यास ट्रक फसेको र आगलागी भएको भएको इकुरहुलेनी इमर्जेन्सी म्यानेजमेन्ट सर्भिसेजका प्रवक्ता विलियम नट्लाडीले बताए ।

अग्निनियन्त्रकहरूले आगो निभाउन खोज्दा विस्फोट भएको हो । घटनामा छ जना अग्निनियन्त्रक घाइते भएका छन् ।

घटनाबारे थप अनुसन्धान सुरू गरिएको छ । ट्रकले कुन प्रकारको ग्यास बोकेको थियो भन्ने जानकारी समाचार तयार गर्दासम्म प्राप्त हुन सकेको छैन ।