- ११ भाद्र २०८३, बिहीबार / Aug 27, 2026
काठमाडौं । ग्लोबल आईएमई बैंकले आफ्ना शेयरधनीलाई १३.६ प्रतिशत लाभांश दिने भएको छ । आइतबार बसेको बैंक सञ्चालक समितिको बैठकले नेपाल राष्ट्र बैंक तथा आगामी वार्षिक साधारणसभाबाट स्वीकृति पश्चात लाभांश वितरण गर्ने जनाएको हो ।
बैंकले आर्थिक वर्ष २०७८ र ७९ को वितरण योग्य मुनाफाबाट आफ्ना शेयरधनीलाई १३.६ प्रतिशत लाभांश (बोनश शेयर ३ प्रतिशत र नगद लाभांश १०.६ प्रतिशत) वितरण गर्ने जनाएको हो ।
चुक्ता पूँजी कूल २३ अर्ब ७९ करोड रुपैयाँको ३ प्रतिशतले हुन आउने करिब ७१ करोड ३८ लाख रुपैयाँ बराबरको बोनश सेयर र १०.६ प्रतिशतले हुन आउने करिब २ अर्ब ५२ करोड २३ लाख रुपैयाँ बराबरको नगद लाभांश शेयरधनीहरुलाई वितरण बैंकले जनाएको हो ।
