चावहिलमा अवस्थित गंगाहीटी टोलमा बस्तीको बीचभागमा शवदाहा स्थल बनाउँदा झडप, एकजना घाइते

काडमाठौं । राजधानीको चावहिलमा अवस्थित गंगाहीटी टोलमा बस्तीको बीचभागमा शाक्य समुदायले शव दाहा गृह बनाउँदा झडप भएको छ । बुधबार बस्तीको बीचभागमा शाक्य समुदायले शवदाहा गृह बनाउन डोजर चलाएपछि स्थानीय र शाक्य समुदायकाबीच झडप भएको हो । झडमा शवदाह बनाउन आएका युवाहरुको ढुंगा प्रहरबाट स्थानीय अगुवा मिलन जोशी घाईते भएका छन् । उनको अस्पतालमा उपचार भइरहेको छ । जोशीको टाउकोमा चोटलागेको स्थानीयले जाकारी दिए ।

बस्तीको नजिकै डंगोल समुदायको शव दाहा गर्ने स्थानका विषयमा समेत विगत लामो समय देखिको विवाद कायमै रहेको छ । अझ पनि उक्त विवाद काठमाडौ महानगरपालिका र काठमाडाैं महानगरपािलका वडा नं ७ ले टुंग्याउन सकेको छैन् । डंगोल समुदायसंगको विवाद कायमै रहेको वेला पुस्तौ देखि आफ्नो समुदायकाे शव जलाउने ठाउँ भएको भन्दै शाक्य समुदायका मानिसहरु शवदाहा स्थल निर्माण गर्न गंगाहीटीको वीच सडकमा डोजर सहित पुगेका थिए ।

शाक्य समुदायले डोजर बीच सडकमा  नै  चलाउन थालेपछि स्थानीयले आफ्नै आगनमा शव जलादा अप्ठेरो हुने भएकाले शवदाहा स्थल निर्माण रोक्न आग्रह गरेका थिए । स्थानीयलाई जानकारी नै नगराएर  काठमाडौं महानगरपालिकाले एकलौटी रुपमा शव दाहा निर्माण गर्न स्वीकृति दिएकाले विवाद भएको स्थानीयकाे भनाइ छ । दुवै पक्षलाई छलफलका लागि विहिबार वडा नं ७ काे कार्यालयमा बोलाइएको ।