- ८ असार २०८३, सोमबार / Jun 22, 2026
काठमाडौं । सरकारले नेपाली र चिनियाँ कम्पनीलाई १८ जुन २०२४ मा कालोसूचीमा राख्न सिफारिस गरेको छ।
चिनियाँ कम्पनी चोङ्क्विङ इन्टरनेशनल कन्स्ट्रक्सन कर्पोरेशन (सिआइसिओ) र यसको नेपाली साझेदार कान्छाराम कन्स्ट्रक्सन (केसी) लाई कालोसूचीमा राख्न सिफारिस गरेको हो ।
डिसेम्बर २०२३ मा बुटवलको सिद्धबाबा टनेल आयोजना निर्माण गरिरहेको चिनियाँ कम्पनी ‘चाइना स्टेट कन्स्ट्रक्सन इन्जिनियरिङ कर्पोरेशन लिमिटेडलाई पनि तोकिएको समयमा काम सम्पन्न नगर्नुको साथै गुणस्तरहीन काम गरेको उजुरी परेपछि सरकारले कालोसूचीमा राख्ने निर्णय गरेको हो ।
एसियाली विकास बैंकको लगानीमा ग्रामीण सडक सञ्जाल सुधार परियोजनाअन्तर्गत सिआइसीओ र केसीले मोरङ जिल्लाको कोरसाने—केराबारी—सिंहदेव (केकेएस) र लक्ष्मीमार्ग—डेंगीहाट—बबियाबिर्ता—अमही (एलडीबीए) सडक खण्ड निर्माणमा संलग्न छन्। सिको र केसीले दुई वर्षमा केकेएस र एलडिबीए सडक खण्ड निर्माण गर्न ७० करोडको ठेक्का पाएका थिए।
तर, सिनियर इन्जिनियर शालिग्राम देवकोटाले गरेको स्थलगत निरीक्षणमा दुवै कम्पनीले ५ वर्ष बितिसक्दा पनि ५४ प्रतिशत काम मात्रै सम्पन्न भएको देखाएको छ। नेपालमा विभिन्न आयोजनामा विशेषगरी सडक निर्माणमा संलग्न चिनियाँ कम्पनीले आयोजनाको लागत बढाउन आयोजना ढिलाइ गरेका छन्।
