- २८ भाद्र २०८३, आईतवार / Sep 13, 2026
काठमाडौं । चीनका विदेशमन्त्री वाङ यी तीन दिने भ्रमणका लागि शुक्रबार नेपालमा आउने भएका छन् ।
परराष्ट्रमन्त्री नारायण खड्काको निमन्त्रणामा विदेशमन्त्री यी नेपाल आउन लागेको परराष्ट्र मन्त्रालयले जनाएको छ ।
विदेशमन्त्री यीले राष्ट्रपति विद्यादेवी भण्डारी र प्रधानमन्त्री शेरबहादुर देउवासँग शिष्टाचार भेट गर्ने छन् भने परराष्ट्रमन्त्री नारायण खड्का र उनको टोलीबीच शनिबार द्वीपक्षीय वार्ता हुनेछ ।
विदेशमन्त्री यीले माओवादी केन्द्रका अध्यक्ष प्रचण्ड, एमाले अध्यक्ष केपी शर्मा ओलीसंग भेट गर्ने परराष्ट्र मन्त्रालयले जनाएको छ ।
एमसीसीसँगको सम्झौता अनुमोदन भएपछि छिमेकी चीनका विदेशमन्त्री वाङ यी नेपाल आउँने भएका हुन् ।
