- २२ भाद्र २०८३, सोमबार / Sep 7, 2026
काठमाडौं । देउवा नेतृत्वको सरकार गठन भएसँगै नेपाल भ्रमणका आएका भारतीय सत्तारूढ दल भाजपाका विदेश विभाग प्रमुख विजय चौथाइवालेले शीर्ष नेताहरूसँगको भेटलाई तीव्रता दिएका छन् ।
मोदीका ‘दूत’ का रूपमा चारदिने भ्रमणमा आएका चौथाइवालेले पूर्वप्रधानमन्त्री तथा नेकपा एमाले अध्यक्ष केपी शर्मा ओली, पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल र प्रस्तावित लोकतान्त्रिक समाजवादी पार्टीका अध्यक्ष महन्थ ठाकुरसँग उनीहरूकै निजी निवासमा पुगेर भेट गरे ।
आइतबार प्रधानमन्त्री तथा नेपाली कांग्रेसका सभापति शेरबहादुर देउवासँग सरकारी निवास बालुवाटार भेटवार्ता गरे । नेपाल–भारत सम्बन्धलाई बलियो बनाउनेबारे सकारात्मक र उत्साहपूर्ण छलफल भएको नेताहरुले बताएका छन्।
२०७७ जेठमा नेपालले कालापानी, लिपुलेकसहितको चुच्चे नक्सा जारी गरेपछि दुई देशबीच सम्बन्ध चिसिदै गएको छ ।
