चीनको खण्डन : गलवान क्षेत्रमा भारतीय दम्भको जवाफ दिएकाे, १० सैनिक नियन्त्रणमा नलिएकाे

६ असार २०७७, काठमाडौं । लद्दाखको गलवान क्षेत्रमा भएको भिडन्तको सम्पूर्ण जिम्मा भारतले लिनु पर्ने चीनले जिकिर गरेको छ ।

आफुले कुनै भारतीय सैनिकलाई नियन्त्रणमा नलिइएको भन्दै १० जना भारतीय सैनिकलाई छाडेको भन्ने खबरको गलत भएको चीनले खण्डन गरेको छ । उक्त समाचारप्रति खण्डन गर्दै चीनले भारतीय सैनिक एक लेफ्टिनेन्ट कर्णेल र तीन मेजरसहित १० जनालाई छोडेको भन्ने हल्लाका पछि नलाग्न र गलत अफवाह नफैलाउन भारतीय संचारमाध्यमलाइ चेतावनी दिएको छ ।

यसैबीच शुक्रबार बेइजिङमा चीनको विदेश मन्त्रालयका प्रवक्ताले भारतीय सैनिकलाई कब्जामा नै नलिएको बताएका छन् । प्रवक्ता झाओ लिजिआनले भिडन्तको जिम्मेवार सम्पूर्ण रूपमा भारत रहेको र जुन १५ मा भएको हिंसात्मक भिडन्तमा २० जना भारतीय सैनिकको मृत्यु हुनु भारतीय दम्भको जवाफ दिएको जनाएका छन् ।