ताला त खुल्यो तर अध्यक्ष अझै फरार

धनुषा । बटेश्वर गाउँपालिकामा स्थानीवासीले लगाएको ताला २४ दिनपछि खुलेको छ ।

आन्दोलनरत पक्षसँग चारबुँदे सहमति भएपछि शुक्रबार ताला खोलिएको हो । प्रमुख प्रशासकीय अधिकृतको कार्यकक्षको र आर्थिक प्रशासन शाखामा लगाएको ताला खोलिएको तर गाउँपालिका प्रमुख डम्बरबहादुर राउत अझै सम्पर्कविहीन रहेकाले उनको कार्यकक्षको ताला अझै खोलिएको छैन ।

गाउँपालिका अध्यक्ष डम्बरबहादुर राउत ८ लाख रुपैयाँ घुस रकम फालेर भागेपछि फागुन १७ गते स्थानीय नागरिक समाज एवम् राजनीतिक दलहरुले तालाबन्दी गरेका थिए ।