दाङ, बाँके र रूपन्देहीका गरी तीन जना संक्रमितको मृत्यु

काठमाडौँ । दाङ, बाँके र रूपन्देहीका तीन कोरोना संक्रमितको मृत्यु भएको छ । कोहलपुर नगरपालिका ९ पिपरीका ३८ वर्षीय पुरूषको शुक्रबार राति ११ बजे भेरी अस्पतालमा उपचारका क्रममा मृत्यु भएको जिल्ला स्वास्थ्य कार्यालय बाँकेले जनाएको छ ।

यस्तै दाङको घोराही उपमहानगरपालिका ३ का १५ वर्षीय किशोरको पनि उपचारका क्रममा मृत्यु भएको छ । दाङको घोराहीबाट उपचारका लागि शिक्षण अस्पताल कोहलपुरमा भर्ना भएका १५ वर्षीय किशोरको उपचारका क्रममा शुक्रबार राति नौ बजे मृत्यु भएको हो ।

योसहित बाँकेमा कोरोना सङ्क्रमणबाट २४ जनाको मृत्यु भएको छ भने बाहिरी जिल्लाबाट उपचारको क्रममा बाँकेमा आई मृत्यु हुनेको सङ्ख्या १२ पुगेको छ । यता रुपन्देहीको शुद्धोधन गाउँपालिका–६ का ५७ वर्षीय पुरुषको बुटवलमा शुक्रबार दिउँसो मृत्यु भएको हो । योसँगै रुपन्देहीमा कोरोना संक्रमित मृतकको संख्या ३४ पुगेको छ ।