- ९ बैशाख २०८३, बुधबार / Apr 22, 2026
काठमाडौं । प्रतिनिधि सभा तथा प्रदेश सभा चुनावको मिति नजिकिँदै गर्दा नेमकिपाको देशव्यापी चुनावी दौडाहा जारी छ । यसैबीच आज दैलेखको दुल्लुमा विशाल सभा सम्पन्न भएको छ ।
चुनावी सभालाई सम्बोधन गर्दै नेपाल मजदुर किसान पार्टीका नेता सुनिल प्रजापतिले राष्ट्रघाती पार्टीका कारण देश संकटमा पर्दै गएको बताए । सार्वभौमिक्ता रक्षाका निम्ति जनताले मादल चिन्हमा मतदान गर्नु पर्ने भन्दै देश बेचुवाहरु विस्तारवादीहरुको अगाडी लम्पसार परेको बताए ।
जनताले पैसा लिएर नराम्रा मान्छेलाई जिताए देश नै नरहने प्रति संकेत गरे । जनताको पक्षमा कानुन निर्माण गर्न नेपाल मजदुर किसान पार्टीलाई जिताउनु पर्ने बताए । कार्यक्रममा नेमकिपाका केन्द्रीय सदस्य जग्यबहादुर शाही, बजिरसिंह विश्वकर्मालगायतका नेताहरुले बोलेका थिए ।
कार्यक्रममा नेमकिपाका देशभक्त उम्मेदवारहरुलाई जिताउन आग्रह गर्दै उम्मेदवार केशेन्द्र प्रकाश कार्की, धनकुमारी शाहीलगायत रत्नेश श्रेष्ठले आ आफ्नो धारणा राखेका थिए । निरक बहादुर शाहीको सभापतित्वमा चुनावी सभा सम्पन्न भएकाे हाे ।
तस्वीरमा…
