नयाँ राष्ट्रपति चयन गर्न आगामी फेब्रुअरीमा बंगलादेशमा निर्वाचन हुने

बंगलादेश । आगामी फेब्रुअरी २३ मा बंगलादेशमा राष्ट्रपतिको निर्वाचन हुने भएको छ । आगामी फेब्रुअरी २३ मा राष्ट्रपतिको निर्वाचन बंगलादेशको निर्वाचन आयोगले जनाएको हो । वर्तमान राष्ट्रपति अब्दुल हमिद अर्को कार्यकालका लागि पुनः निर्वाचित हुन नमिल्ने आइतबार साँझ आफ्नै कार्यकक्षमा आयोजित पत्रकार सम्मेलनमा आयोगका सचिव मोहम्मद जहाँगीर आलमले जानकारी दिए ।

बंगलादेशको संविधानले १ व्यक्तिलाई बढीमा २ कार्यकालका लागि निर्वाचित गर्न सक्ने व्यवस्था गरेको छ । राष्ट्रपति निर्वाचनको कार्यतालिका छिट्टै घोषणा गरिने पनि सचिव आलमले जानकारी गराएका छन् ।