- २१ श्रावण २०८३, बिहीबार / Aug 6, 2026
२१ बैशाख २०७७ काठमाडौं । नेपालगन्जमा थप ६ जनालाई कोरोना भाइरस संक्रमण पुष्टि भएको छ । स्रोतका अनुसार नेपालगन्जकै थप ६ जनामा कोरोना पुष्टि भएको हो ।
थप संक्रमित यस अघि संक्रमित भएकाहरुकै परिवारका सदस्य र नातेदार रहेको मन्त्रालयका प्रवक्ता डां. समिरकुमार अधिकारीले विज्ञप्ति निकालेर जनाएका छन् । भेरी अस्पतालको ल्याबमा गरिएको परीक्षणबाट नयाँ संक्रमितमा १६, २१ र ३४ वर्षीय पुरुष रहेका छन् ।
त्यसैगरी ४०, ५५ र ६० वर्षीया महिला पनि कोरोना संक्रमित भएका छन् । आइतवार दिउँसो मात्रै नेपालगन्जमा पाँच पुरुष र चार महिलामा कोरोना पुष्टि भएको थियो । नेपालगंजमा एकजना ६० वर्षीय मुस्लिम धर्मगुरुमा पहिलो कोरोना संक्रमण देखिएको थियो ।
यसअघि आइतवार दिउँसो संक्रमण पुष्टि भएका ९ जना कोरोना भाइरसका नयाँ बिरामीमध्ये ७ वर्षीय रहेका छन् । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले नेपालगन्जमा ७ वर्षीयदेखि ५८ वर्षीयसम्मलाई कोरोना देखिएको जानकारी दिएका छन् ।
सङ्क्रमितका परिवार र नजिकका आफन्त आठ जनालाई महेन्द्र बहुमुखी क्याम्पसस्थित क्वारेन्टाइनमा राखिएको थियो । कोरोना पुष्टि भएपछि उनीहरुलाई खजुरास्थित कोरोना विशेष अस्पतालको आइसोलेसनमा लगिएको छ ।
जिल्ला स्वास्थ्य कार्यालय बाँकेका जनस्वास्थ्य अधिकृत एवम् कोरोना फोकल पर्सन नरेशमान श्रेष्ठले नेपालगञ्जमा कोराना सङ्क्रमितको सङ्ख्या १६ पुगेको बताएका छन् । आइतवार वीरगञ्जमा पनि एकजना संक्रमित भेटिएका छन् । योसँगै देशभर कोरोना संक्रमितको संख्या ७५ पुगेको छ ।
