पत्ता लागेकै हो त निर्मला हत्यारा ?

कञ्चनपुर । कञ्चनपुरकी १३ वर्षीया बालिका निर्मला पन्त हत्याकाण्डको सन्दर्भमा प्रहरीले एकजना भारतीय नागरिकलाई पक्राउ गरेको छ । प्रहरीले पन्तको बलात्कार तथा हत्या घटनाको सन्दर्भमा प्रहरीले एक जना भारतीयलाई पक्राउ गरि अनुसन्धान थालेको जनाएको छ ।
घटनाका बेला तीन जना भारतीय नागरिक कञ्चनपुरको उल्टाखाम क्षेत्रमै बसोबास गरेको पाइएपछि प्रहरीले मध्येका एक जनालाई नियन्त्रणमा लिई अनुसन्धान प्रक्रिया अघि बढाएको हो ।
नियमित अनुसन्धानको प्रक्रिया अन्तर्गत उनी निगरानीमा रहेको प्रहरी स्रोतले जनाएको छ । २०७५ साउन १० गते बेपत्ता भएकी बालिका पन्त भोलिपल्ट घर नजिकैको उखुबारीमा मृत अवस्थामा भेटिएकी थिइन् । यद्यपि, बलात्कार तथा हत्या घटनामा उनी संलग्न रहेरनरहेको पुष्टि भएको छैन । उनको डिएनए परिक्षणको तयारीमा रहेको प्रहरीले जनाएको छ ।