- २३ बैशाख २०८३, बुधबार / May 6, 2026
तनहुँ । भानु नगरपालिका–१३ मिर्लुङ निवासी कान्तिपुर दैनिकका पत्रकार स्व. बलराम बानियाँको परिवारलाई अमेरिकाबाट चार लाख ३१ हजार ९५१ सहयोग प्राप्त भएको छ ।
बानियाँको १३ औं दिनको पुण्यतिथिको अवसरमा नेपाल–अमेरिका पत्रकार सङ्घले पठाएको उक्त रकम आज नेपाल पत्रकार महासङ्घका अध्यक्ष गोविन्द आचार्यले बानियाँका छोरी सुष्मिता बानियाँलाई हस्तान्तरण गरेका हुन् । स्व. बानियाँका एक छोरा र एक छोरीको शिक्षादीक्षाका लागि पत्रकार महासङ्घको पहलमा उक्त रकम अमेरिकाका पत्रकारले पठाएका हुन् ।
१३ औं दिनको पुण्यतिथिमा प्रेस काउन्सिल नेपालका कार्यवाहक अध्यक्ष किशोर श्रेष्ठलगायतले शोकसन्तप्त परिवारजनप्रति समवेदना प्रकट गरेका थिए । साउन २६ गतेदेखि बेपत्ता भएका पत्रकार बानियाँको शव मकवानपुरको सिस्नेरीस्थित माण्डो जलविद्युत आयोजनामा २८ गते भेटिएको थियो ।
