पृथ्वीराजमार्ग भासिदा यातायात ठप्प

तनहुँ । आबुखैरेनी गाउँपालिका वडा नं ४ ड्याम नजिक पृथ्वीराजमार्ग अन्तर्गतको सडक भासिएको छ । विहीबाररातिदेखि परेको पानीका कारण २५ मिटर सडक भासिएपछि यातायात बन्द भएको हो ।

सडक भासिएकाले बेलिब्रिज नराखेसम्म सवारी आवतजावतमा सम्भव नदेखिएको तनहुँ प्रहरी नायब उपरीक्षक युवराज खड्काले बताए ।

मर्मतसम्भार पनि गर्न नसक्ने भएपछि सवारी साधनहरुलाई जताबाट आएको हो, त्यतैतर्फ फर्काइएको उनको भनाइ छ । कारसहित केही सवारी साधन मर्स्याङ्दी नदीमा खसेको प्रहरीको अनुमान छ ।