प्रचण्ड र नारायणकाजीलाई कोरोना संक्रमण भएपछि कार्यकर्ता चिन्तित

काठमाडौं । नेकपा (माओवादी केन्द्र) का अध्यक्ष ‘प्रचण्ड’ र नेता नारायणकाजी श्रेष्ठलाई कोरोना संक्रमण पुष्टी भएको छ । शनिबार बिहान प्रचण्डको सचिवालयले पीसीआर परीक्षणका क्रममा प्रचण्डमा कोरोना पोजिटिभ देखिएको जनाएको छ ।

कोरोना संक्रमण भएपछि कार्यकर्ता चिन्तित बनेको प्रचण्डको सचिवालयले जनाएको छ । अहिले प्रचण्ड निवासमै आराम गरिरहेको जनाएको छ ।

पूर्वनिर्धारित सम्पूर्ण कार्यक्रमहरू स्थगित गरिएको भन्दै सचिवालयले चिकित्सकको सल्लाह अनुसार आइसोलेशनमा बस्नुपर्ने जनाएको छ ।

शुक्रबार पिसिआर परीक्षण गर्दा नेता नारायणकाजी श्रेष्ठलाई कोभिड संक्रमण पुष्टि भएको र हाल होमआइसोलेसनमा रहेको बताइएको छ । यसअघि पार्टीका केही नेताहरुलाई पनि कोरोना संक्रमण भएको भन्दै पार्टीको बैठक स्थगित गरिएको थियो ।