- १० असार २०८३, बुधबार / Jun 24, 2026
काठमाडौँ । प्रतिनिधि सभा बैठक दुई घण्टा पछि सारिएको छ । प्रधानमन्त्री पुष्पकमल दाहाल प्रचण्डको अनुरोधमा प्रतिनिधिसभा बैठक दुई घण्टा पछि सारिएको हो।
प्रधानमन्त्री दाहालले यसअघि दिएको अभिव्यक्तिका कारण नेकपा एमालेले संसद अवरुद्ध गर्दै आएको छ । आइतबार बैठक सूचारु गराउँनका लागि शीर्ष नेताहरुबीच छलफल भइरहेको समयमा प्रधानमन्त्री प्रचण्डले सभामुख देवराज घिमिरेलाई फोन गर्दै बैठक दुई घण्टा पर सार्न आग्रह गरेका थिए ।
प्रतिनिधि सभाका सभामुख घिमिरेले तीन शीर्ष नेताबीचको छलफलले सदन खुलाउन सकारात्मक निष्कर्षका निकाल्न सकोस् भनी शुभकामना समेत दिएका थिए ।
सदन खुलाउँन कांग्रेस सभापति शेरबहादुर देउवा, एमाले अध्यक्ष केपी शर्मा ओली र प्रधानमन्त्री प्रचडबीच सिंहदरबारमा छलफल भइरहेको छ । यो संगै प्रतिनिधि सभा बैठक दिउँसो तीन बजे बस्ने भएको छ ।
