प्रतिनिधिसभा विघटनविरूद्धको रिटमा आजपनि बहस

काठमाडौँ । प्रतिनिधिसभा विघटनविरुद्धको रिटमा आज अदालतका सहयोगी (एमिकस क्युरी)को बहस शुरु हुँदैछ ।एमिकस क्युरीको बहसपछि निर्णय आउने बताइएको छ ।

अदालतलाई न्याय सम्पादनमा सहयोग पुग्ने उद्देश्यका साथ एमिकस क्युरीमा वरिष्ठ अधिवक्ता बद्रीबहादुर कार्की, सतिशकृष्ण खरेल, विजयकान्त मैनाली, पूर्णमान शाक्य र गीता पाठकले स्वतन्त्र विचार दिने बताईएको छ ।

प्रतिनिधिसभा विघटनविरुद्ध दायर भएका १३ रिट निवेदकका पक्षबाट सोमबार जवाफी बहस सकिएको छ भने रिट निवेदकबाट जवाफी बहसमा वरिष्ठ अधिवक्ता शम्भु थापाले नेपालको संविधानले प्रतिनिधिसभा विघटन गर्न विशेष अधिकार प्रधानमन्त्रीलाई नदिएको तर्क पेश गरेका थिए ।