प्रतिबन्धित १६० केजी गाजा बरामद

महोत्तरी । सशस्त्र प्रहरी बलले महोत्तरी गाउँपालिकाबाट १६० किलोग्राम गाजा बरामद गरेको छ ।

छिनमस्ता बाहीनीबाट खटिएको टोलीले रानीरतवाडाबाट गाजा बरामद गरेको हो । गणेश चौधरीको घर पछाडि रहेको परालको टौवाबाट १ सय ६० गाजा फेला परेको सशस्त्र प्रहरी मधेस प्रदेशका बाहिनीपति गणेश ठाडामगरले बताए ।

परालको टौवामा लुकाइराखेको १६ पोकामा १६० केजी गाजा रहेको प्रहरीले बताएको छ । बरामद भएको गाजा थप अनुसन्धानका लागि नेपाल प्रहरीलाई जिम्मा लगाउने तयारी भइरहेको ठाडामगरले बताए ।