प्रदर्शन गरिरहेका वकिललाई प्रहरीले कुट्यो

काठमाडौं । सर्वोच्च अदालतमा प्रदर्शन गरेका कानुन व्यवसायीहरुमाथि प्रहरीले बल प्रयोग गरेको छ । प्रहरीको घेरा तोडेर अघि बढ्न खोजेपछि वकिलहरुलाई प्रहरीले कुटेको हो । सामान्य लाठीचार्जमा वकिलहरु घाईते भएका छन् । कानुन व्यवसायीलाइै प्रदर्शन गर्न रोकेको र अटेर गरेपछि बलप्रयोेग गर्न बाध्य भएको प्रहरीले बताएको छ ।
प्रधानन्यायाधीश चोलेन्द्र शम्सेर जबराको राजीनामा माग्दै काननु व्यवसायीले जारी राखेको आन्दोलनको रिपोर्टिङ गर्न जाने पत्रकारहरुलाई पनि प्रवेश निषेध गरिएको छ । सोमबार देखि पास भएका पत्रकारहरुलाई मात्र जानदिने भनेपनि प्रहरीले प्रवेशमा रोक लगाएको छ ।

प्रधानन्यायाधीश जबरा मन्त्रिपरिषद सदस्यको भागबण्डामा मुछिएपछि उनीविरुद्ध नेपाल बार एशोसिएसनको अगुवाइमा कानुन व्यवसायीहरुले कात्तिक १४ गतेदेखि चरणबद्ध आन्दोलन गर्दै आएका छन् ।