- १२ बैशाख २०८३, शनिबार / Apr 25, 2026
काठमाडौं । लागुऔषधसहित एक भारतीय नागरिकलाई प्रहरीले पक्राउ गरेको छ ।
भारतको मोतिहारी बस्ने २६ वर्षीय राज कुमार प्रसादलाई चन्द्रागिरी नगरपालिका-२ नागढुङ्गाबाट प्रहरीले पक्राउ गरेको हो । उनको साथबाट २ सय एम्पुल नोर्फिन, २ सय एम्पुल डाइजेपाम र २ सय एम्पुल प्रोमेथाइजिनसहित लागुऔषध प्रहरीले नियन्त्रणमा लिएको हो ।
वीरगंजबाट काठमाडौं आएका उनलाई ना ८ ख ४६८० नम्बरको बस महानगरीय प्रहरी प्रभाग नागढुंगाले जाँच गर्ने क्रममा उक्त लागूऔषध सहित पक्राउ गरेको हो । यता बिराटनगर महानगरपालिका–१५ हुलास मेटलस्थित सडकबाट ४ केजी अवैध लागुऔषध गाँजा सहित दुई जनालाई प्रहरीले नियन्त्रणमा लगेको छ ।
सुनसरी ईटहरी उपमहानगरपालिका–५ बस्ने ५२ वर्षीय तेज बहादुर राई र सोही ठाउँ बस्ने ४१ बर्षीय पदम बहादुर राईलाई प्रहरीले पक्राउ गरेको हो । भारततर्फ जाँदै गरेको २ ह ७२४१ नम्बरको अटोलाई मोरङबाट खटिएको प्रहरीले जाँच गर्ने क्रममा कार्टुनमा लुकाएर लैजाँदै गरेको गाँजा सहित पक्राउ गरेको हो ।
