- १८ असार २०८३, बिहीबार / Jul 2, 2026
पेरिस । फ्रान्सेली राष्ट्रपति इमानुएल म्याक्रोनको आधिकारिक निवासमा काटिएका मानव औँलाहरू भएको पार्सल प्राप्त भएको छ । पेरिसको अभियोजकको कार्यालयलाई उद्धृत गर्दै सीएनएनले यसको पुष्टि गरेको छ ।
यस विषयमा प्रहरीले अनुसन्धान समेत सुरु गरेको छ । पेरिस अभियोजकको कार्यालयले सीएनएनलाई भन्यो, ‘औँलाको टुक्रा देखिएको छ, जुन एलिसी दरबारमा पार्सल गरिएको थियो ।’ निर्वाचित नेतालाई धम्की वा धम्की दिएर कसुर गरेको घटनामा प्रहरीले गत सोमबारबाट अनुसन्धान थालेको अहिले खुलासा भएको छ ।
पार्सलमा भेटिएको औंठाछाप मानसिक रोगबाट पीडित प्रेषकको हो । फ्रान्सेली राष्ट्रपति निवास एलिसी प्यालेसले भने यसबारेमा केही टिप्पणी गरेको छैन ।
एलिसी प्यालेस फ्रान्सेली राष्ट्रपति इमानुएल म्याक्रोनको आधिकारिक घर हो, जहाँ २०१७ देखि बस्दै आएका छन् । ट्राफिक प्रहरीको गोली लागेर १७ वर्षीया नाहेल मर्जोकको मृत्यु भएपछि फ्रान्समा हिंसात्मक प्रदर्शन भएको केही दिनपछि यो घटना भएको हो ।
