- १० असार २०८३, बुधबार / Jun 24, 2026
काठमाडौं । ५ लाख ऋण तिर्न नसक्दा ऋणीको घर जग्गा कब्जा गरेर पटक–पटक जबरजस्ती करणी गरेको आरोपमा एक जना पक्राउ परेका छन् ।
ललितपुरको थेचोबाट सूर्जमान मालीलाई पक्राउ गरेको प्रहरीले बताएको छ ।
यो घटनाका पीडितले शुक्रबार मात्रै गृहमन्त्री नारायणकाजी श्रेष्ठलाई भेटेकी र लगत्तै ललितपुर प्रहरीको विशेष टोलीले मालीलाई पक्राउ गरेको जिल्ला प्रहरी परिसर, ललितपुरको टोलीले बताएको छ ।
उनलाई अदालत हाजिर गराएर थप अनुसन्धानका लागि म्याद लिने प्रहरीको तयारी छ ।
मालीबाट पटकपटक दुर्व्यवहार र यातना पाएपछि पीडितले आत्महत्या गर्ने प्रयास समेत गरेकी बताइएको छ ।
