बाघको छाला र हड्डीसहित दाङबाट दुईजना पक्राउ

दाङ । बाघको छाला र हड्डीसहित देउखुरीको लमही नगरपालिका–९ अमिलियाबाट दुईजना पक्राउ परेका छन् । बा २० प ९०७२ नम्बरको मोटरसाइकललाई जाँच गर्ने क्रममा उनीहरूलाई बाघको छाला र हड्डीसहित पक्राउ परेका हुन ।

पक्राउ पर्नेमा प्रहरीले राजपुर गाउँपालिका–७ बस्ने ३१ वर्षीय वीरबहादुर पुन र रोल्पा माडी गाउँपालिका–३ बस्ने २८ वर्षीय अमलाल घर्ती मगर रहेको प्हरीले जनाएको छ ।
इलाका प्रहरी कार्यालय तुलसीपुर र इलाका प्रहरी कार्यालय अमिलियाबाट संयुक्त रुपमा खटिएको प्रहरीले उनीहरुलाई पक्राउ गरेको हो ।