- ११ कार्तिक २०८३, बुधबार / Oct 28, 2026
२९ असार २०७७ काठमाडौं । प्रधानमन्त्री केपी शर्मा ओलीले भारतलाई अर्को प्रहार गरेका छन् । ओलीले ‘नक्कली अयोध्या’ खडा गरेर साँस्कृतिक तथ्यमाथि भारतले अतिक्रमण गरेको दावी गरेका छन् । भगवान रामको राज्य अयोध्या नेपालको वीरगञ्ज पश्चिममा हो भन्दै भारतले विवादित अयोध्या खडा गरेर साँस्कृतिक अतिक्रमण गरेको जिकिर गरे ।
भानु जयन्तीका अवसरमा प्रधानमन्त्री ओलीले ‘सीता’ लाई भारतका राजकुमार रामलाई नदिएको भन्दै अयोध्याका रामलाई दिएको र अयोध्या वीरगञ्ज भन्दा पश्चिमपट्टीको गाउँ भएको दावी गरे । अहिले खडा गरिएको अयोध्याका रामलाई नदिएको दावी ओलीको छ । अयोध्या नेपालको र राम पनि नेपाली भएको तथ्य ओलीले सार्वजनिक गरेका हुन् ।
अयोध्या भारतले दाबी गरेको ठाउँमा भएको भए त्यहाँका राजा विवाह गर्न जनकपुर कसरी आइपुगे ? ओलीले प्रश्न गरे । त्यसबेला न टेलिफोन न मोबाइल रहेको भन्दै प्रधानमन्त्री ओलीले भारतलाई व्यङ्ग प्रहार गरे । अयोध्या ठोरीमै भएको तर्क गर्दै प्रधानमन्त्री ओलीले नेपालको सास्कृतिक अस्तीत्वमाथि गिद्धे नजर नलगाउन भारतलाई चेतावनी दिए ।
