- २२ श्रावण २०८३, शुक्रबार / Aug 7, 2026
३० असार २०७७ काठमाडौं । आफूले प्रतिबद्धता जाहेर गरेको रकम नदिएपछि इरानले चाबहार रेल परियोजनाबाट भारतलाई नकआउट गरिदिएको छ । ६२८ किलोमिटर लामो रेल परियोजनामा चीन इन भएको छ । उक्त परियोजनाका लागि भारतीय प्रधानमन्त्री नरेन्द्र मोदीले चार वर्षअघि इरानसँग सहायता सम्झौता गरेका थिए ।
सम्झौताको रकम भुक्तानीका लागि बारम्बार आग्रह गरेपनि भारतले अटेरी गरेको र भारतसँगको सम्झौता उधारो र कहिल्यै कार्यान्वयन नहुने देखेपछि इरानले चीनसंग सम्झौता गरेर काम अगाडि बढाएको संचारमाध्यमले जनाएका छन् । भारतले चीनसंग निहुँ खोजिरहेका बेला भएको यो सम्झौतालाई अर्थपूर्ण तरिकाले हेरिएको छ ।
इरानी कदमलाई अर्थपूर्ण रुपमा मात्रै हेरिएको छैन, उसले भारतसंग कुनै सम्वन्ध नरहने पनि जनाईसकेको छ । चीनले सहायता दिएपछि इरानले यो रेलमार्ग अफगानिस्तानको जारान्जसम्म विस्तार गर्ने जनाएको छ । चीनले समयमै काम सम्पन्न गर्न सन् २०२२ को मार्चसम्ममा भाका राखेको छ ।
