मंसिर २ गते प्रदेश र प्रतिनिधि सभा निर्वाचनको प्रस्ताव

काठमाडौं । प्रतिनिधिसभा र प्रदेशसभाको निर्वाचन मंसिर २ गते शुक्रबार एकै चरणमा गर्न निर्वाचन आयोगले सरकारलाई सिफारिस गरेको छ । प्रमुख निर्वाचन आयुक्त दिनेशकुमार थपलियासहितको टोली बुधबार प्रधानमन्त्री शेरबहादुर देउवाको सरकारी निवास बालुवाटार पुगेर मंसिर २ मा निर्वाचन गर्न सिफारिस गरेको हो ।

१ सय २० दिन तयारीको समय पुग्ने गरी मिति घोषणा गर्न प्रधानमन्त्री देउवालाई निर्वाचन आयोगले आग्रह गरेको छ । निर्वाचनको मिति निर्वाचन आयोगको सिफारिसमा सरकारले तोक्ने कानुनी व्यवस्था छ । २०७४ मा प्रतिनिधि सभा र प्रदेशसभाको निर्वाचन दुई चरणमा गरिएको थियो ।