मध्यपुर थिमिमा सम्पदा पदयात्रा

मध्यपुर थिमि । विश्व मुटु दिवसको अवसरमा असोज १३ गते मध्यपुर थिमिमा सम्पदा पदयात्रा हुने भएको छ । शनिवार लायन्स क्लबको आयोजना गर्ने सम्पदा पदयात्रामा सहभागि हुन अनुरोध गरिएको छ ।

“मुटुको प्रयोग गर्नुहोस् मुटुको बारेमा थाहा पाउनुहोस्” भन्ने नाराका साथ नगर क्षेत्र भित्र रहेका विभिन्न सांस्कृतिक, पुरातात्त्विक एवं ऐतिहासिक महत्वका सम्पदा स्थलहरुको अवलोकन गर्न बृहत् पदयात्राको आयोजना गरिएको प्रमुख उद्धव सिलवालले बताए ।

शनिवार बिहान ७ बजे शंखधर चोकबाट सुरु भई बालकुमारी मन्दिर, दुई पोखरी, भुलाखेल, पाटी विहार, सिद्धि काली मन्दिर, सिद्धि गणेश मन्दिर, नगदेश, बुद्धबिहर नगदेश, नीलकण्ठेश्वोर, तिगनी, बोडे, कमलपोखरी हुँदै ११ बजे बोडेको बालकुमारी मन्दिर परिसरमा पुगेर विविध सांस्कृतिक कार्यक्रममा परिणत हुने आयोजकले जनाएको छ ।

त्यही दिन समापन हुने प्रकाशन तथा प्रचारप्रसार उपसमितिका संयोजक तिर्थ भट्टले बताए । पदयात्राका क्रममा सम्पदा अवलोकनसँगै सम्बन्धित सम्पदाविद्बाट सम्पदाको जानकारी, सांस्कृतिक झाकी, नृत्य र नेवारी भोजनको समेत व्यवस्था गरिएको छ।

लायन्स क्लब अफ भक्तपुर मेरिगोल्ड, लायन्स क्लब अफ भक्तपुर बालकोट, लायन्स क्लब अफ भक्तपुर चाँगुनारायण, लायन्स क्लब अफ भक्तपुर प्रिन्सिपल र लायन्स क्लब अफ भक्तपुर नीलकंठेश्वर लगायतले उक्त पदयात्राको आयोजना गरेका हुन् ।