मध्यपुर थिमि नगरपालिकाको चेतावनी, अतिक्रमण गरी बनाइएको संरचना भत्काउन ३५ दिने सूचना

भक्तपुर । सडक अतिक्रमण गरी बनाइएका संरचना भत्काउन मध्यपुर थिमि नगरपालिकाले ३५ दिने सूचना निकालेको छ ।
मध्यपुर थिमि नगरपालिकाले मङ्गलवार सूचना जारी गर्दै ३५ दिन भित्र सडक अचिक्रमण गरी निर्माण गरिएका संरचना भत्काउन निर्देशन दिएको हो ।

सार्वजनिक बाटो, सडक, जग्गा अतिक्रमण गरी बनाइएका संरचना ३५ दिनभित्र नहटाएमा कारबाही गरिने सूचनामा उल्लेख गरिएको छ । मध्यपुर थिमि नगरपालिकाले सार्वजनिक आवागमनमा बाधा पुग्ने गरी निर्माण सामग्रीलगायत अन्य सामग्री राख्नेलाई समेत कानूनी कारबाही गर्ने चेतावनी दिएको छ ।

अरनिको राजमार्ग, त्यसका सहायक मार्ग र नगरका भित्री सडक र क्षेत्रमा भवन निर्माणसम्बन्धी मापदण्ड विपरीत संरचना बनाइएको पाइएकाले ३५ दिन भित्र हटाउन नगरपालिकाले सूचीत गरेको छ ।