- ८ आश्विन २०८३, बिहीबार / Sep 24, 2026
झापा । जंगली हात्ती गाउँमा पसेर आक्रमण गर्दा झापामा एक जनाको मृत्यु भएको छ ।
आक्रमणमा परेका देबि बहादुर अधिकारीको उपचार गर्न अस्पताल लैजादै गर्दा बाटोमै मृत्यु भएको प्रहरीले बताएको छ ।
बाह्रदशी १ बस्ने ८० वर्षीय अधिकारीलाई मनकामना सामुदायीक वनमा हात्तीले आक्रमण गरेको थियो ।
घाइते अधिकारीलाई थप उपचारको लागि धरान लैजादै गर्दा मृत्यु भएको जिल्ला प्रहरी कार्यालय झापाले जनाएको छ ।
घटना सम्बन्धमा थप अनुसन्धान भइरहेको प्रवक्ता प्रहरी नायव उपरीक्षक बसन्त पाठकले बताए ।
