- २ श्रावण २०८३, शनिबार / Jul 18, 2026
धरान । धरान उपमहानगरपालिकाका मेयर हर्क साम्पाङको कडा मेहनतले गर्दा कोकाहा खोलाको पानी ल्याउन सफल भएको छ ।
तीन महिनाअघि धरानमा पानी ल्याउने अभियान सञ्चालन गरेका उनले ४० किलोमिटर टाढा रहेको कोकाहाबाट जंगल, भीरपाखामा पाइप विछ्याउँदै पानी ल्याउन श्रमदातासँगै मेयर साम्पाङको श्रम अभियान सफल भएको हो ।
पछिल्ला तीन दिनयता उनी कोकाहाको पानी नल्याएसम्म धरान नआउने दृढताका साथ श्रम अभियानमा खट्दै आएका थिए । त्यसयता उनले रात दिन श्रमदानस्थलमै बिताउँदै आएका थिए ।
सोमबार मध्यरात १२ बजे कोकाहाको पानी पकुवा खोला किनारमा आइपुगेको हो । पानी आएसंगै श्रमदाताहरु उत्साहित भएका थिए । श्रमदाताहरुले पानी छ्यापाछ्याप र नुहाईधुवाई गरेर उत्सव मनाएका थिए ।
कोकाहाको पानी आएको केही समयपछि मेयर साम्पाङ पनि पकुवामा आए । उनी निकै भावुक बने । उनले कोकाहाको पानी धरान ल्याउन सहयोग गर्ने सबैलाई धन्यवाद दिए । अब धरानमा पानीको अभाव नहुने अपेक्षा गर्दै खुसी मनाए ।
