यसरी नेपाल पुग्यो भारतीय अनुदानको खोप

काठमाडौ । भारत सरकारको अनुदान सहयोगमा कोरोना विरुद्धको १० लाख डोज खोप नेपाल आइपुगेको छ ।

एयर इन्डियाको विमानबाट बिहीबार आएको कोरोनाविरुद्धको खोप त्रिभुवन अन्तर्राष्ट्रिय विमानस्थलबाट भारतीय राजदूत विनयमोहन क्वात्राले नेपाललाई हस्तान्तरण गरे । कोभिसिल्ड खोपलाई टेकुस्थित केन्द्रिय खोप भण्डारणमा लगिएको खोप सल्लाहकार समितिका संयोजक डाक्टर श्यामराज उप्रेतीले बताए ।

टेकुमा भण्डारण गरिएको खोप स्वास्थ्य सेवा विभागबाट प्रत्येक प्रदेशको भण्डारण केन्द्रमा आवश्यकताको आधारमा पु¥याइने उनको भनाई छ । देशभर १६ हजार खोप केन्द्र रहेका छन् भने खोप लगाइदिने जनशक्ति ८ हजार छन् । खोप भित्रिएको एक साताभित्र खोप लगाउन सुरु गरिने स्वास्थ्य जनसंख्या मन्त्रालयले जनाएको छ ।