रकेट लञ्चर विस्फोट पाकिस्तानमा आठ जनाको मृत्यु, तीन घाइते

एजेन्सी । पाकिस्तानमा रकेट लञ्चर विस्फोट हुँदा आठ जनाको मृत्यु भएको छ । पाकिस्तानको दक्षिणी सिन्ध प्रान्तको एउटा गाउँमा रकेट लन्चर विस्फोट हुँदा आठ जनाले गुमाएका हुन । बालबालिकाले रकेट लञ्चर खेतमा फेला पारेर घरमा लगेको र उक्त रकेट विस्फोट भएको प्रारम्भिक अनुसन्धानबाट खुलेको छ ।

विस्फोटबाट तीन जना घाइते भएका छन् । ज्यान गुमाउने र घाइते सबै एकै परिवारका हुन् । घाइते भएकाको नजिकैको अस्पतालमा उपचार भइरहेको प्रहरीलाई उद्धृत गरी चिनियाँ समाचार संस्था सिन्ह्वाले जनाएको छ । कान्धकोटका वरिष्ठ प्रहरी उपरीक्षक रोहेल खोसोका अनुसार घटनामा पाँच जना बालबालिका र दुई महिलासहित आठ जनाले ज्यान गुमाएका छन् ।