रवि लामिछानेको सांसद पद रिक्त

काठमाडौं । राष्ट्रिय स्वतन्त्र पार्टीका सभापति रवि लामिछानेको सांसद पद रिक्त भएको जानकारी प्रतिनिधि सभामा गराइएको छ । सभामुख देवराज घिमिरेले प्रतिनिधिसभाको बुधवारको बैठकमा उक्त जानकारी गराएका हुन । लामिछाने गत चुनावमा चितवन–२ बाट निर्वाचित भएका थिए ।

सांसद पद रिक्त रहेको जानकारी प्रतिनिधिसभालाई गराउनुपर्ने व्यवस्था प्रतिनिधिसभा नियमावली २०७५ मा पनि रहेको छ ।
सर्वोच्च अदालतले गत शुक्रबार लामिछानेको सांसद पद खारेज गरिदिएपछि त्यो पद रिक्त भएको छ ।

सभामुख घिमिरेले संविधानको धारा ८९ बमोजिम प्रतिनिधि सभा सदस्यको एक स्थान रिक्त भएको जानकारी प्रतिनिधिसभालाई गराएका हुन ।