ब्राजिलमा बस दुर्घटना हुँदा चार जनाको मृत्यु

ब्राजिल । ब्राजिलमा खेलाडी चढेको बस दुर्घटना हुँदा चार जनाको मृत्यु भएको छ । फुटबल टोली सवार बस दुर्घटना हुँदा ४ जनाको मृत्यु हुनुका साथै २९ जना घाइते भएका छन् ।

ब्राजिलको उवापोरङामा भएको प्रतियोगिता खेलेर फर्किरहेका खेलाडी दुर्घटनामा परेका हुन । मृत्यु हुनेहरूको उमेर १४ देखि १७ वर्ष रहेको अन्तर्राष्ट्रिय सञ्चार माध्यमहरुले जनाएका छन ।

पुलमा पुग्दा ड्राइभरले नियन्त्रण गुमाउँदा बस ३२ फिट तल खसेको थियो । इस्पोर्ट क्लबका किशोर खेलाडीहरू उपाधि जितेर फर्किरहेको अवस्थामा गाडी दुर्घटना हुँदा घाइतेमध्ये तीन जनाको अवस्था गम्भीर रहेको छ ।