रसुवागढी नाकामा कडा सुरक्षा व्यवस्था

रसुवा । रसुवागढी नाकामा सुरक्षा व्यवस्था कडा गरिएको छ । उत्त नाकाबाट अबैध समाग्रीको ओसार पसार बढेसँगै सीमा नाकामा सशस्त्र प्रहरी बल र नेपाल प्रहरीको निगरानी बढाइएको हो ।

केरुङबाट नेपाल भित्रने तथा नेपालबाट केरुङतर्फ जाने नागरिक तथा यातायातका साधनहरुमा निगरानी बढाईएको प्रमुख जिल्ला अधिकारी प्रकाश चन्द्र अधिकारीले बताए ।

एक महिनाको अवधिमा केरुङबाट दुई पटक नेपाल भित्रिएको तीन केजी सुन सुरक्षा निकाय तथा रसुवा भन्सार कार्यालयले बरामद गरेपछि सुरक्षा व्यवस्थालाई थप कडा बनाइएको जिल्ला प्रशासन कार्यालय रसुवाले जनाएको छ ।

पछिल्लो समय नेपाली कन्टेनर चीनयाँ समाग्री लिन केरुङ सम्मनै पुग्ने व्यवस्था भएसँगै नेपालीहरु पनि केरुङ जाने क्रम बढेपछि हुन सक्ने अबैध क्रियाकलाप रोक्न शसस्त्र प्रहरि,

नेपाल प्रहरी तथा रसुवा भन्सार कार्यालयको संयूक्त्त टिमले चेक जाँचसँगै नाकाको सुरक्षामा थप कडाई गरिएको हो ।