राजीव गुरुङ ऊर्फ दीपक मनाङे निर्विरोध, भए पहिलो सांसद

पोखरा । गण्डकी प्रदेश सरकार बनाउने र ढलाउने खेलमा निर्णायक बन्ने राजीव गुरुङ ऊर्फ दीपक मनाङे गण्डकी प्रदेशसभा सदस्यमा निर्विरोध निर्वाचित भएका छन् ।

गुण्डागर्दी पृष्ठभूमिबाट आएका मनाङेले मन्त्री भएपछि पनि विवादमा परिरहे थिए। दुबै गठबन्धनले मनाङ (ख) मा उम्मेदवार खडा गरेनन् । मनाङेले भने स्वतन्त्र उम्मेदवारी दिएका थिए ।

मनाङेसँगै दोर्जे लामा गुरुङले स्वतन्त्र उम्मेदवारी हालेका थिए । तर उनलाई पनि आफ्नो उम्मेदवारी फिर्ता गर्न लगाएर मनाङे निर्विरोध मात्र भएनन्, निर्वाचित हुने पहिलो सांसद बनेका छन्।

सत्ता गठबन्धनमा कांग्रेसकै भागमा परेको यो क्षेत्र मनाङेलाई नै समर्थन गरिएको बताइएको छ । मनाङले २०७५ मा प्रदेशसभा सदस्यको सपथ लिने बेला पनि उनले यस्तै जुक्ति लगाएका थिए ।