- ९ आश्विन २०८३, शुक्रबार / Sep 25, 2026
अर्घाखाँची । लागू औषध मुद्दामा फरार अभियुक्त पाँच वर्षपछि अर्घाखाँचीमा पक्राउ परेका छन् । जिल्ला प्रहरी कार्यालय अर्घाखाँचीले सन्धिखर्क नगरपालिका–२ चुत्राबेशिका २९ वर्षीय मनोज अधिकारीलाई पक्राउ गरेको हो ।
मनोजलाई २०७४ चैत ६ गते जिल्ला अदालत अर्घाखाँचीले लागू औषध मुद्दामा दोषी ठहर गरेपछि मनोज भागेर फरार रहेका रहेका थिए । उनलाई पक्राउ गरि कैद भुक्तानका लागि कारागार चलान गरिएको जनाइएको छ ।
अधिकारीलाई गोप्य सूचनाको आधारमा सन्धिखर्कको एक होटलमा बसेको थाहा पाएपछि पक्राउ गरिएको जिल्ला प्रहरी कार्यालय अर्घाखाँचीले जनाएको छ ।
