- ९ आश्विन २०८३, शुक्रबार / Sep 25, 2026
काठमाण्डौ । काठमाण्डौ महानगरपालिकाका विभिन्न क्षेत्रमा क्याम्पसका विज्ञापनजन्य सामग्रीहरु बाँड्दै हिँड्ने ६१ जनालाई महानगरले कारबाही गरिएको छ ।
काठमाण्डौ महानगरपालिकाले महानगर क्षेत्रभित्र विज्ञापनजन्य सामग्री बाँड्ने ६१ जनालाई शुक्रबार कारबाही गरेको हो । महानगर क्षेत्रभित्र पर्चा, पोस्टर लगायतका विज्ञापनजन्य सामग्री नबाँड्न र नराख्न सूचना जारी गरे पनि नटेरेपछि कारबाही प्रक्रिया अघि बढाएको महानगरले जनाएको छ ।
पटकपटक विज्ञापनजन्य सामग्री क्याम्पस आसपासमा बाँड्दै नहिँड्न सूचना गरे पनि अटेर गरेपछि कारबाही थालेको काठमाण्डौ महानगरले जनाएको छ । पहिलो पटक भएकाले कारबाही स्वरुप ५ हजार रुपैयाँ जरिबाना गरिएको र तर अटेर गरे जरिबानाको दायरा बढाउँदै लैजाने महानगरले उल्लेख गरेको छ ।
महानगर क्षेत्रभित्र पर्चा, पोस्टर लगायतका विज्ञापनजन्य सामग्री नबाँड्न नराख्न, पटकपटक अनुरोध र सूचना निकाले पनि सूचनालाई अटेर गरी परीक्षा केन्द्रमा पम्प्लेट बाँड्ने र पर्चा बाँड्ने काम गरेपछि पोस्टर बाँड्नेहरुलाई पक्राउ गरि कारबाहीको दायरामा ल्याएको महानगरले जनाएको छ ।
