- १० भाद्र २०८३, बुधबार / Aug 26, 2026
काठमाडौं । प्रधानमन्त्री पुष्पकमल दाहाल प्रचण्डले विदेशबाट अतिरिक्त मोबाइल ल्याउन पाउने व्यवस्था कार्यान्वयन गर्न निर्देशन दिएका छन्। विदेशबाट नेपाल फर्किँदा व्यक्तिगत प्रयोजनका लागि मोबाइल ल्याउँदा त्रिभुवन अन्तर्राष्ट्रिय विमानस्थलमा समस्या भएकोले अर्थमन्त्री विष्णु पौडेललाई केही दिन अगाडि आफूले दिएको निर्देशन कार्यान्वयन नभएको भन्दै तत्काल कार्यान्वयन गर्न निर्देशन दिएका हुन्।
विदेशमा रहेका नागरिकहरुले आफुहरुसैग अतिरिक्त मोबाइल ल्याउँदा विमानस्थलमा समस्या सिर्जना भएको तथा सो घटनामा जनताको चासो र गुनासो रहेकाले आवश्यक कार्यवाही अघि बढाउन तथा सरल, सहज बनाउन आवश्यक नीतिगत तथा कानुनी जटिलता भए त्यसलाई समेत फुकाउन प्रधानमन्त्रीज्यूले मन्त्री पौडेललाई निर्देशन दिनुभएको सचिवालय स्रोतले जनाएको छ ।
मंगलबार अमेरिकाबाट फर्किएका झापाका दुधलाल नेम्वाङले ल्याएको अतिरिक्त आइफोन एयरपोर्टस्थित भन्सारका भर्मचारीले १८ प्रतिशत कर तिर्नुपर्ने बताए पछि उनले कर नतिरी मोबाइल नै त्यही छोडेर हिँडेका थिए। उनले अतिरिक्त मोबाइल ल्याउँदा १८ प्रतिशत कर तिर्नुपरेको गुनासो गरेका थिए।
