यातायात व्यवस्था सुधारमा हामी हेरेर बस्दैनौंः मन्त्री श्रेष्ठ

काठमाडौं । उपप्रधान एवम् भौतिक पूर्वाधार तथा यातायात मन्त्री नारायणकाजी श्रेष्ठले यातायात कार्यालयको अनुुगमन गरेका छन् । मन्त्री श्रेष्ठले यातायात व्यवस्था सुधारका लागि मंगलबार एकान्तकुनाका साथै ठूलो भर्‍याङस्थित यातायात कार्यालयको अनुगमन गरेका हुन् ।

मन्त्री श्रेष्ठले यातायात क्षेत्रमा भइरहेको चरम लापरबाहीमा सुधार ल्याउनका लागि हस्तक्षेपकारी कार्ययोजना बनाउन प्रदेश सरकारसँग समन्वय भइरहेको बताए । अहिलेको समस्या समाधान गर्ने, कमजोरी सच्याउने र सेवाग्राहीलाई छिटो सहज सेवा दिन आफु मुखदर्शक भएर मात्रै नबस्ने बताए ।

समयमा काम नहुने र कतिपय सन्दर्भमा असहज पीडा गरी सेवा प्राप्त हुने अवस्था अन्त्य गर्न डिजिटाइजेसनमा जाने र आवश्यक साधन स्रोत समेत उपलब्ध गराउँने बताए ।