- १४ जेष्ठ २०८३, बिहीबार / May 28, 2026
काठमाण्डौ । वीर अस्पताल अगाडिका टहरामा संचालित औषधि पसल महानगरले हटाउने भएको छ । काठमाण्डौ महानगरपालिकाले फार्मेसी सञ्चालकलाई २४ घण्टाभित्र औषधि पसल हटाउन निर्देशन दिइसकेकाे जनाएको छ ।
तर, फार्मेसी सञ्चालकले भने उक्त निर्णयकाे कार्यान्वयन नगर्ने भन्दै तत्कालै हटाउन नसकिने बताएका छन् । आज दिउँसो १ बजेसम्म औषधि पसल नहटाए डोजर लगेर महानगर आफैँले हटाउने महानगरका प्रहरी प्रमुख राजु पाण्डेले बताए।
ती औषधि पसल हटाएर वीर अस्पताललाई कुनै हानि नगर्ने तर नक्सा विपरीत रहेका औषधि पसल हटाइने महानगरकाे ठहर छ । यसअघि पनि वीर अस्पतालले ती टहरामा रहेका औषधि पसल हटाउन खोजेको थियो ।
अस्पताल अगाडि टहरामा रहेका औषधि पसलमा बगैँचा रहेकाले नक्सा विपरीत फार्मेसी सञ्चालन गरेकाले भत्काउन लागेको हाे ।
काठमाण्डौ महानगरपालिकाले अवैध संरचना भत्काउने अभियानलाई निरन्तरता दिँदै गएकाे जनाएको छ।
