सशस्त्र प्रहरीको डीआईजीमा दुई जनाको नाम सिफारिस

काठमाडौं । गृह मन्त्रालयले सशस्त्र प्रहरी नायब महानिरीक्षकमा दुईजनाको नाम सिफारिस गरेको छ । सशस्त्र प्रहरीमा रिक्त रहेको दुई डीआईजी पदमा बढुवाका लागि मंगलबार बसेको सशस्त्र प्रहरीको बढुवा समिति र गृहको संयुक्त बैठकले एसएसपीद्वय कालिदास धौवजी र कुमार न्यौपानेलाई बढुवाका लागि सिफारिस हो ।

बढुवाउपर कुनै उजुरी भए ७ दिनभित्रमा समितिमा उजुरी दिन सक्ने व्यवस्था रहेको जनाइएको छ । सशस्त्र प्रहरी नियमावली २०७२ को नियम ३९ को उपनियम (१) (ख) बमोजिम बढुवा समितिको बैठकले सशस्त्र प्रहरी नायब महानिरीक्षकमा बढुवाका लागि दुइजनाको नाम सिफारिस गरेको सशस्त्र प्रहरी बल नेपालले जनाएको छ ।