- ३१ आश्विन २०८३, शनिबार / Oct 17, 2026
काठमाण्डौ । नेपालीलाई भुटानी शरणार्थी बनाएर अमेरिका पठाउने पक्राउ परेका १४ जनाकै बयान सकिएको छ । सङ्गठित ठगी धन्दाको अनुसन्धान अन्तिम चरणमा पुगेको प्रहरीले पर्सि शुक्रवारसम्ममा अनुसन्धान प्रतिवेदन सरकारी वकिलको कार्यालयमा बुझाउने तयारी गरेको जनाएको छ ।
प्रहरीले सङ्गठित अपराध र ठगी कसुरअन्तर्गत म्याद थप गरी अनुसन्धान गरिरहेकोमा यो धन्दा राज्यविरुद्धको पनि अपराध रहेको सरकारी वकिल कार्यालयको निष्कर्ष छ । नेपालीलाई नक्कली शरणार्थी बनाएर ठगी गर्ने यो प्रकरण राष्ट्रहित प्रतिकूल भएकाले त्यो कसुर आकर्षित हुने गरी मुद्दा चलाउन लागिएको हो ।
यस प्रकरणमा पक्राउ परेका दुई पूर्वमन्त्री र बहालवाला एक सचिवसहित १४ आरोपितहरुविरुद्ध राष्ट्रहित प्रतिकूल गरेको, ठगी, कीर्ते र सङ्गठित अपराधको अभियोगमा मुद्दा दायर गर्ने तयारी छ ।
