आजको प्रतिनिधिसभा बैठकमा प्रधानमन्त्री र सांसदहरुबीच प्रश्नोत्तर हुने

काठमाडौं । संघीय संसद् अन्तर्गत प्रतिनिधिसभाको बैठक बिहीबार बिहान ११ बजे बस्दैछ । आजको बैठकमा प्रधानमन्त्री पुष्पकमल दाहाल ‘प्रचण्ड’ र सांसदहरुबीच प्रत्यक्ष प्रश्नोत्तर हुने संसद सचिवालयले जनाएको छ ।

संसद्मा सांसदहरुले प्रश्नोत्तरका लागि सभामुखसमक्ष लिखित जानकारी गराइसकेको र प्रधानमन्त्रीसँग प्रश्नोत्तरका लागि १५ सांसदलाई समय प्रदान गरिने संसद सचिवालयले जनाएको छ ।

आजको कार्यसूची अन्तर्गत बैठकमा प्रधानमन्त्री प्रचण्डले सांसदहरुले सोधेको प्रश्नको जवाफ दिने छन् भने राज्यका निर्देशक सिद्धान्त, नीति र दायित्व कार्यान्वयनका सम्बन्धमा गरेका काम र प्राप्त उपलब्धि सहितको आर्थिक वर्ष २०७८–०७९ को वार्षिक प्रतिवेदन पेस गर्ने छन् ।

यस्ताे छ सम्भावित कार्यसूची…